Nkosilathi Sibanda
UKUBIZWA komdlali wenguqu uMunashe Chipfumbu, ongumfundi eSomvubu Secondary, kuqembu lelizwe elama-Under 15, elizadlala kuFIFA U15 World Cup, kube yisitshengiselo sokuthi ithalenta livula amathuba, loba umuntu efunda emaphandleni.
Umdlali lo ubizwe kuqembu elilabadlali abangu-24, abazaphatheka kuFIFA U15 World Cup and Festival, edolobheni leBaku, e-Azerbaijan, kusekela mhlaka 22 kusiya ku-30 Mfumfu.
Ukubizwa kukaChipfumbu kube yisitshengiselo njalo sokuthi iSomvubu Secondary, esesigabeni seBubi, eMatabeleland North, iqhubeka isiba yisikolo esilomfutho wokukhulisa amathalenta abafundi asebonakala elizweni lonke.
Amaqembu enguqu alesi isikolo asebonakale engqikilana lezinye izikolo ezesatshwayo emdlalweni eMatabeleland North, Matabeleland South, lakoBulawayo lakweminye imincintiswano ezikolo edibanisa intshantshu zezabelo.
Abafana bama-U15 akuleli, abaqeqetshwa nguBlacklyfield Chivenga, kusigaba sokuqala bafakwe kuqembu elilamazwe agoqela iCambodia, England, Montenegro, Nicaragua leRepublic of Ireland.
Iqembu elibiziweyo:
Adam Adamu (Chikanga Secondary),
Munanawashe Bote (Prince Edward),
Tawanda Chigango (Pamushana High),
Dylan Chazika (Pamushana High),
Munashe Chipfumbu (Somvubu Secondary),
Wayne Gwena (Prince Edward),
Ryan Kandasi (Pamushana Secondary),
Freeman Kaunje (Herentals College),
Walter Mabedhla (Guinea Fowl High),
Panashe Majasi (Guinea Fowl High),
Moses Maremudze (Rusununguko High),
Dylan Matsheza (Prince Edward),
Thiolee Mutenha (Prince Edward),
Addie Musandipa (Wanganui High),
Dwayne Musona (Christian Brothers College),
Raymond Moyo (Sobukhazi High),
Benjamin Mupfurutsa (St George’s College),
Prince Nkomozani (Eagle College),
Marlvin Ngulube (Sobukhazi High),
Tinashe Ngirazi (Rujeko High),
Takunda Sithole (Manicaland Christian High),
Thabiso Siziba (Sizane High),
Ngoni Tombo (Kiddie College Senior School),
Marlon Zuruvu (Chipindura High).
