YiNtatheli kaMthunywa
U-SIR Jim Ratcliffe, ongusomabhizimusi, njalo engomunye wabanikazi beqembu lebhola eleManchester United, uvakatshele kuleli lapho okukhangelelwe ukuthi azothatha ikhefu kancane, avakatshele indawo ezitshiyeneyo zakuleli eziligugu.
Inhlanganiso ebona ngezokuvakatshelwa elizweni eyeZimbabwe Tourism Authority, yamukele uSir Ratcliffe, yabika ngokuthokoza ukuthi ukhethe iZimbabwe njengendawo yokuvakatshela.
Ukuvakatsha kwakhe kuza ngesikhathi ilizwe liqhubeka likhankasela ukuvatshela indawo zakuleli ezilobuhle bemvelo, amasiko, ilifa kanye lokunye okunengi ezikhanga izethekeli ezivela emazweni atshiyeneyo.
