shloboe boeLovemore Dube
UMAQHUZU weHighlanders uDenzil Mnkandla usemiswe umsebenzi kulandela ukusolwa ngokukhweza indleko zohambo lweqembu olusanda kwenziwa eBotswana.
Kubikwa indleko zohambo lweBotswana zakhuphulwa zaba ngaphezulu kwe-US$20 000. Abafakazi abaqotho baveze ukuthi uMnkandla wasebenza labanye abantu, elandela imilayo yelinye ilunga lekhomithi.
UMnkandla unikwe umbiko wokumiswa umsebenzi ngomlomo ngoLwesibili, ikanti umgcinisihlalo weqembu uKenneth Mhlophe kulindeleke ukuthi akhiphe incwadi esemthethweni yokumisa umsebenzi ngoLwesithathu, kulandela isinqumo esithethwe ngabaphathi beqembu.
Iqembu liphakathi kokuphenya udaba, ngokutsho kwabafakazi.
Imibiko iveza ukuthi iziphathamandla zeqembu zithathe lesi sinqumo ngemva kokukhathazeka ngendlela indleko zohambo lweBotswana ezaphathwa ngayo.
Lanxa kunjalo, kuzwakala ukuba uMhlophe lelunga lebhodi elikhangelane lezemali, uNkani Khoza, bavumela incwadi yenombolo zentengo ezayethulwayo.
Umthetho weHighlanders ulawula ukuthi incwadi zenhlelo zendleko kumele zibentathu kodwa, kulesi sehlakalo kwavezwa eyodwa.
Imizamo yokuxhumana loMhlophe yehlule.
Online Reporter