OWESILISA okusolwa ukuthi ukhulelise intombazane eleminyaka engu-11 ubudala kukhangelelwe ukuthi avele emthethwandaba kamantshi we-Atlantis ngoMvulo. Umsolwa, 32, ubotshwe ngoLwesihlanu, mhlaka-15 Nkwenkwezi.
Okhulumela amapholisa eWestern Cape, uCaptain Frederick van Wyk, uthe kulencwadi egunyaza ukubotshwa kukamsolwa.
“Ihofisi le iyakuqinisekisa ukuthi kulowesilisa, 32, obotshwe ngoLwesihlanu, 15 Nkwenkwezi, ngencwadi egunyaza ukubotshwa.
“Uzavela emthethwandaba kamantshi we-Atlantis ngoMvulo, 18 Nkwenkwezi,” kutsho uvan Wyk.
Lokhu kuza ngemva kokuba izakhamizi ze-Atlantis zizwakalise ukucasuka ngemva kokuvela kokuthi intombazane eleminyaka engu-11 ubudala yabeletha esikhathini esingangesonto esedluleyo, okusolwa ukuthi kungenxa yokuhlukunyezwa ngokocansi okuthinta umuntu owaziwayo emdenini.
Umama wengane ubotshiwe wavela emthethwandaba kamantshi we-Atlantis. INational Prosecuting Authority (NPA) ikuqinisekisile ukuvela kwakhe enkantolo. Okhulumela iNPA, u-Eric Ntabazalila, ukuqinisekisile ukubonakala kwakhe.
“Yebo, singakuqinisekisa ukuthi umama wengane eleminyaka engu-11 ubudala uvele eNkantolo kamantshi we-Atlantis ngecala lokwehluleka ukubika icala lokuhlukunyezwa ngokocansi,” kutsho uNtabazalila.
Icala elibhekane lonina lidluliselwe phambili kumhlaka 19 Nkwenkwezi. —Isolezwe
