Online Reporter
UMLINGISI wodumo kweleSouth Africa uPresley Chweneyagae usedlule emhlabeni.
Ubeleminyaka engu-40 yokuzalwa. Lokhu kuvele ngoLwesibili ekuseni njalo imbangela yokufa kwakhe kayikavezwa.
UChweneyagae uthole udumo ngokulingisa kumdlalo kamabonakude u–Tsotsi, elingisa loTerry Pheto, Mothusi Magano, Kenneth Nkosi lo-Own Sejake. Umdlalo lo wathola iz
Sicoco se-Academy Award for Foreign Language Film.
Ulingise njalo kuNumber Number, Jozi Gold, Zama Zama laku-The River, lapho alingise enguCobra. Wathola izicoco ezinengi ngomsebenzi wakhe
Inkampani ebiphethe inhlelo zikaChweneyagae, iMLA ithe: “Sibika ngokudabuka okukhulu ngokudlula emhlabeni komdlali olesiphiwo esikhulu eNingizimu Africa, uPresley Chweneyagae, eleminyaka engu-40.
“Ubelilunga leMLA okwesikhathi eside. Ubengumngane, umbalisi kwabanengi.
“Siduduza umkakhe, abantwana, umdeni labo bonke abakade bemazi bephila laye. Loba sikhala ngokulahlekelwa lithalenta, sithakazelela isibane asiletha emhlabeni.”
