Online Reporter
Ethel Ncube
AMAPHOLISA akoBulawayo asebophe abantu abangu-13 abatholakale bekuVuzu elokitshini leCowdrayPark ngempelaviki phakathi kwamabili.
Kubikwa indlu lapho obekusenzelwa lumcimbi ihlala abatsha, abazali baseBotswana.
Amapholisa ayebhoda ebusuku ngamabhayisikili phakathi kwamabili ezwa umsindo kwenye indlu asesondela kiyo angena athola kulamajaha lamantombazana kukhala umculo kukhanya ukuba kulomcimbi thize lapho.
Amapholisa abopha uThabiso Sibanda, indoda eleminyaka engu-21 onguye ohlala kule indlu, kuthi abanye babevela ePumula South laseMganwini. Abanye ababotshwayo yilaba, Ryan Jena (18), Kingstone Mufunda (18), Mbongeni Shoniwa (17), Blessing Phiri (21), Brian Masengwe (19), Prince Ncube (19), Lethukuthula Moyo (18), Melissa Ncube (18), Tendai Nyandoro (18), Prince Moyo (18), Michelle Sibanda (18).
Intatheli ixhumane lesikhulumi samapholisa koBulawayo uInspector Nomalanga Msebele osexwayise abazali ukuba kumele bakhangele abantwana.
“Abazali abakhangele abantwana njalo baqaphele imisebenzi eyenziwa ngabantwana babo ukuze kwenqatshelwe imicimbi leyi ngoba abantwana bacina bephatheka ekusebenziseni izidakamizwa,” kutsho uInsp Msebele.
