Umlingisi odumileyo u-Aleck Zulu kasekho

Langalakhe Mabena

UMLINGISI odumileyo u-Aleck Zulu, owaziwa kakhulu ngebizo elithi “Skoro” kumdlalo owawuthandwa ngabantu abanengi, “Amakorokoza” kumabonakude, usedlule emhlabeni.
Ubeleminyaka engu-54 yokuzalwa.

Imbangela yokutshona kwakhe ayikacaci okwamanje, kodwa ukufa kwakhe kuqinisekiswe ngumngane wakhe kwezobuciko, uMemory Kumbota.

“Ngesikhathi uBhud’ Smart ethatha umhlalaphansi wabuyela ekhaya eZambia, wangicela ukuthi nginakekele umfana wakhe njengoba sasisebenza ndawonye. Angazi ukuthi ngabe ngenza okwaneleyo yini.

“U-Aleck usehambile. Izolo nje besikhuluma ngokuzilolonga kwakhe kumdlalo we –“Passion” labantwana eSt Patrick’s Roman

Catholic Church. Umsebenzi wakhe wokucina kube ngowokukhonza uNkulunkulu. Phumula ngokuthula, mfana wami,” kutsho uKumbota ekhasini lakhe leFacebook.