Sidumisile Mabena
Farai Dauramanzi eMaphisa
UMongameli welizwe uMnangagwa usexwayise uzulu ngobubi bokuthatha imifanekiso lapho okwenzakala khona izingozi zomgwaqo kanye lokuyisabalalisa enkundleni zokuxhumana.
Uthe umkhuba lo uphambene lamasiko kanye lobuntu bethu.
UMongameli uMnangagwa ubuye wenza isifungo sokuvikela labo abangeke bazivikele.
Ekhuluma eseMaphisa Stadium kumkhosi kaZibuse, ngoMgqibelo, uMongameli uveze ukukhathazeka ngokwanda kwabantu abasebenzisa inkundla zokuxhumana ngendlela ezingafanelanga.
“Ngikuphawula ngokukhathazeka okukhulu ukwanda kokusetshenziswa kwenkundla zokuxhumana ngendlela ezingaqondanga ngabantu lamaqembu.
“Ukuthathwa kwemifanekiso lamavidiyo kungozi zomgwaqo kanye lokusatshalaliswa kwakho, akwamukelekanga, akuvezi ubuntu bethu kanye lamasiko ethu njengabantu abansundu.
“Inkokheli zizavikela izazalwane zakuleli, ikakhulu abantwana kubuchwepheshe bakulezinsuku,” kutsho uMongameli Mnangagwa.
Online Reporter