Online Reporter
Zimpapers Sports Hub
NXA iqembu lisehluleka ukuthola imiklomelo, okungcono yikuthi lidinge amanye amaqhinga okunqoba.
Yikho okwenziwe liqembu elidlala kuCastle Lager Premiership, CAPS United, eseliqhatshe owake waba ngumdlali walo, u-Ian Bakala ukuthi abe yingxenye yabaqeqetshi.
Isizatho zokudinga abaqeqetshi abatsha sivele ekuthini iqembu liyehluleka ukunqoba. Isizini yalonyaka inzima kuleliqembu elibalelwa “kwezinkulu” kumdlalo kanobhutshuzwayo kuleli.
ICAPS United, ngemva kwemidlalo elitshumi, ihlezi kunombolo yetshumi lanhlanu kungalane yamaqembu akuligi yeCastle Lager. ICAPS United, ngemva kwemidlalo elitshumi, ihlezi kunombolo yetshumi lanhlanu kungalane yamaqembu akuligi yeCastle Lager, ilemiklomelo eyisitshiya galombili.
UBakala, oyisizalwane seZambia, usengumsekeli kamqeqetshi okubikwa uzethulwa ngoLwesine. Okade engumqeqetshi, uLloyd Chitembwe usephiwe isikhundla esiphezulu, sokuba ngumqondisi wabaqeqetshi.
Umbiko ophuma kuleliqembu uveza ukuba abanye abakade besebenza, bencedisa abaqeqetshi sebexotshiwe njalo kuzaqhatshwa abatsha, abazabikwa kungakafiki impelaviki. Lokhu kukhulunywe ngumongameli weCAPS United uFarai Jere ngoLwesibili eHarare.
“Umqeqetshi omutsha uzavezwa ngoLwesine. Umsekeli wakhe ngu-Ian Bakala. ULloyd Chitembwe ukhona eqenjini njalo uzakuba ngu-technical director,” kutsho uJere.
