admin
YiNtatheli kaMthunywa
UKUSWELAKALA kwemali yokuholisa abaqeqetshi sekudale ukuthi iHighlanders yehlukane loSizabantu Khoza.
UKhoza ubeqeqetsha amaqembu abasakhulayo amaUnder-16 leUnder-18.
Kusendlebeni zabanengi kunguqu ukuthi iHighlanders ithwele nzima ukuthola imali yokuthi inike abaqeqetshi bayo bonke, okuyikho okwenza kwaba lobudlelwano obumunyu phakathi kwenkokheli zayo labaqeqetshi bamathimu aphansi.
IHighlanders ibingazimiselanga ukuthi iqhubekele phambili labaqeqetshi bonke babadlali abasacathula ababalisa uKhoza lomunye wakhe uDan Ngwenya.
Isivumelwano sabaqeqetshi laba le-Highlanders siphele ngoMpalakazi.
Abafakazi abaseduzane loKhoza bathe lumqeqetshi kubikwa usethole amadlelo aluhlaza kuqembu le-Nabals elidlala kunkundla zika-Division Two koBulawayo.
UKhoza wazise intatheli ukuba kuliqiniso ukuthi useyifulathele iBosso.
Isikhulumi seHighlanders uRonald Moyo kazange azihluphe ukwamukela ucingo ngesikhathi iphephandaba likazulu lidinga ilizwi lakhe ngaloludaba.
Online Reporter