admin
YiNtatheli kaMthunywa
AMAPHOLISA asebophe enye indoda yeGweru kulandela ukuvela kwembiko yokuba yathumba yahlukuluza amadoda amabili okwabangela ukuthi enye yawo ife ngoba icatshelwe ligolide elingaba yi-70 grammes.
Omele isikhulumi samapholisa eNkabazwe uAssistant Inspector Ethel Mukwende uvumile uthe kubotshwe uWillard Mugadza esetheswa icala lokuthumba ababili laba.
“Sibophe uWillard Mugadza weGweru ngenxa yokufa kukaFabian Mabhugu kanye lokuthunjwa kukaLenny Hwehwe,” utsho njalo.
UAsst Insp Mukwende uthe kucatshangelwa ukuba uMabhungu kanye lomunye abesebenza laye batshontsha igolide likaMugadza ongumqhatshi wabo.
“UMugadza wadinga abantu abathumba ababili laba bafika bababophela ezihlahleni andubana ababhaxabule belapho.”
Uthe ababili laba bathunjwa kuviki ephelileyo ngoLwesibili kwayiwa labo eChirumhanzu yiziqhwaga lezi ezazidingwe nguMugadza.
Kubikwa umuyi wathumela izihlobo zakhe umbiko ezazisa ngokuthunjwa kwakhe okwenza kwabikelwa amapholisa ayiwo ahamba ayasiza ababili laba.
Ababili laba bagijinyiselwa esibhedlela seGweru General lapho uMabhugu afa khona ngeSonto.
Online Reporter