Online Reporter
Nkosilathi Sibanda
UMFUYI wenkukhu wakoBulawayo uMnumzana Chiwashira, obukisa inkukhu zakhe kumbukiso wamabhizimusi, eZimbabwe International Trade Fair ubike ukuba wathenga iqhude nge-R4 500, imali elinganiselwa ku-US$250.
Uthe walithenga eSouth Africa.
UMnu Chiwashira, ongumaqhuzu we-Atomic Chickens, ufuya inkukhu endlini yakhe eKhumalo koBulawayo. Waqala ukufuya ngo2014, egxile enkukhwini ezivela phetsheya, ezohlobo lwe-Frizzle Buff Orpington.
“Ngathenga inkukhu yakuqala nge-R4 500. Ukufuya inkukhu libhizimusi elibuthakathaka, lifuna ukubekezela lokuzimisela,” nguMnu Chiwashira lo.
UMnu Chiwashira ufuya encediswa ngabantwabakhe. Omunye wabantwabakhe, uAshley uthe: “Ubaba wathi esungula lelibhizimusi, sathathela phezulu. Sesiyingxenye yebhizimusi le-Atomic Chickens. Siyimuli, sifuna ukuba lenkampani yokufuya inkukhu, sihlose ukuthi siphathise ekukhuliseni umkhonomi welizwe.”
