admin
UsephEndukile njalo umhlabeleli oyisihlabane esithandwa linengi labantu uL’vovo Derrango. Khathesi uze ngesivuvu nanko phela wethula idlalade lakhe elitsha elivutha umlilo.
Lumhlabeleli ogama lakhe lokuzalwa nguThokozani Ndlovu usebenzelane labapheka umculo ngezinga eliphezulu iInfinite Boys kuphekwa idlalade leli okungelesitshiyagalolunye kuye.
UL’vovo, waziwa kakhulu ngengoma zakhe ezibalisa uPalesa,
Amaboza lethi Original, phakathi kwezinye.
Uselenye njalo emnandi okwamagama ethi Ama-TinTin, eyiyo njalo eyinikeze isihloko sedlalade lakhe elitsha elihwatshwa kuyonale iviki.
Iqembu labapheka umculo eleInfinite Boys lilamalunga athi uRaphael loTony Mabaso, asebapheka ingoma zabahlabeleli abaziwa kakhulu kwezokuhlabela abagoqela uProfessor, DJ Tira, Big Nuz, DJ Fisherman lo DJ Oskido.
Ekhuluma leSunday Sun, uL’vovo uthe ujabule kakhulu ngomsebenzi wakhe njalo ukhangelele ukulihwatsha idlalade lakhe. Wengezelele wathi ubematasatasa njalo ngokulingisa kuhlelo oluphuma kuSABC1, Uzalo.
Uthe: “bengisamatasatasa ngokulingisa yikho ngingalikhiphanga idlalade lami ekuqaleni komnyaka.
“Abalandeli bami bebebuza ukuthi kungani ngithule kangaka kwezomculo ngoba sengileminyaka emibili ngingakhiphanga dlalade.”
Uqhubekele phambili wathi: “Kudlalade leli ngisebenzelane le-Infinite Boys njalo bangiphekele ingoma ezimnandi okumangalisayo.
“Ngithabe angizazi njalo akusavumi ukuthi ngilinde ukulikhipha idlalade leli. Okuhle ngengoma yami, Ama-TinTin, yikuthi yingoma ezakwenza abantu bajayive baze bathi.”
Iphephandaba leSunday Sun lixhumane le-Infinite Boys bathi kade bafisa ukusebenzelana loL’vovo ngoba umkhulu kwezokuhlabelela kweleSouth Africa. — Ubulembu
Online Reporter