Online Reporter
Brandon Moyo
UMDLALI wegolf wakuleli uKeegan Shutt uyigcinile indawo yakhe esiqongweni seZimbabwe Golf Association’s (ZGA) Order of Merit (OoM), waphinda waqansa lakuWorld Amateur Golf Rankings (WAGR).
Okwakhathesi uphethe imiklomelo engu-291 kumincintiswano eyisikhombisa. Ulandelwa nguTanaka Chatora ole 286.
Kungalane yabadlali kuWAGR, uShutt ukunombolo yesi-369. Abanye abakuleli abenze kuhle kulelibanga nguMunesu Chimhini osuke ku649 waya ku598. UVincent Chidambazina usuke ku647 waya ku626.
NgoNtulikazi, uShutt wathola imiklomelo engu-46 kuZimbabwe Amateur Championship. NgoMbimbitho wanqoba kumincintiswano ephezulu kuJulius Robinson Golf Tournament eWingate Park Golf Club, Manicaland Amateur eHillside Golf Club leMatabeleland Amateur eBulawayo Country Club. Kumidlalo le, wathola imiklomelo ethi-55, 50 le52 ngokulandelana.
Kweminye lapho aqhube kuhle khona yiDugmore Trophy (27) Chapman Grandslam (13) le-48 kuRegion V Championship.
UChatora laye wenze kuhle.
Ulemiklomelo engu-50 kuZimbabwe Matchplay, Zimbabwe Amateur (32), Manicaland Amateur (32), Dugmore Trophy (32), lakuChampman Grandslam (32).
UKelvin Muchenje ukunombolo yesithathu, elemiklomelo engu-257, elandelwa ngu-Elton Zulu (250) loDarlington Chikanyambidze (244).
UShijie Li ukunombolo yesithathu ngemiklomelo engu-238, uMichael Wallace ule-219.
