Online Reporter
Nkosilathi Sibanda
UMTHETHWANDABA kamantshi eBindura ugwebe indoda eleminyaka engu-32 yokuzalwa ukuhlala ejele okwenyanga ezingu-12 ngemva kokuvuma ukuthi yahlukuluza umkayo kakubi ngokumquma ingxenye zesitho sakhe sangasese isebenzisa ireza, ngesikhathi bexabana.
Isiga lesi senzakale mhlaka 21 Nhlangula 2026 kwelinye ipulazi eBindura, esabelweni seMashonaland Central.
Kubikwa ukuba umsolwa wahlasela umkakhe oleminyaka engu-42 ngemva kokuxabana besolana ngokungathembani emtshadweni.
Kubikwa umsolwa waqamba amanga esithi ufuna bahlangane lomkakhe, kodwa wathi esesondele kuye wabamba isitho sakhe sangasese wasemquma ngereza,” kutsho umbiko weNational Prosecuting Authority of Zimbabwe.
Kubikwa ngemva kwalokho, owesilisa lo wanika umkakhe amanzi ukuthi ageze ebona esesopha.
Emiswe phambili kukamantshi, umsolwa ulivumile icala lodlakela, ukuhlukumeza ngokomzimba, okuchazwa kumthetho weDomestic Violence Act. Ugwetshwe ukuhlala ejele okwenyanga ezingu-18, kodwa inyanga eziyisithupha zabekwa eceleni kukhangelelwe ukuthi kuminyaka emihlanu ezayo angadali icala elifanayo. Lokhu kutsho ukuthi uzachitha inyanga ezingu-12 ejele.
