admin
Listen Ndlovu
KULOSANE oluleminyaka emine yokuzalwa lwesigabeni seLower Gwelo esiqintini seBhekeni ngaphansi kwenduna uBunina oluwele phakathi kwebhavu elamanzi lwafa.
Isiga lesi senzakale mhlaka 13 Zibandlela ngehola lika 11 ekuseni.
Kubikwa uMavis Moyo watshiya indodakazi yakhe, uThandeka Moyo edlala labanye egumeni esiyabiza abazali bakhe ababesemasimini.
Ekuphendukeni kwakhe wathola umzimba womntwana undenda ebhavini yamanzi.
Isikhulumi samapholisa eMidlands uInspector Emmanuel Mahoko uthe bamukele umbiko wosane oluleminyaka emine oluwele phakathi kwebhavu yamanzi lwafa.
“Isidumbu sikamuyi sihanjiswe esibhedlela seGweru Provincial Hospital ukuze siyehlolwa.
Uphethe ngokuxwayisa uzulu ukuthi aqaphele abantwana.
“Sithanda ukuxwayisa umphakathi ukuba abantwana kabatshiywe labantu abadala ukuze baqinisekise ukuthi bavikelekile kukanti kumele babone ukuthi impahla ephathela amanzi iyavalwa,” kuphetha uInsp Mahoko.
Online Reporter