Online Reporter
Sidumisile Mabena
Kwenzakale isehlakalo esitshwaqisa umzimba eFilabusi lapho okutholakale usane olulamaviki ayisificaminwe mibili olungumfana lufile, isidumbu singelamakhala, kunye lesihlathi sesandleni sokudla.
Isidumbu sosane lolu sitholakale ngosuku lwe-Africa Day eKuzwisisa Village, esiqintini seMarubamba.
Kusitatimende samapholisa esikhutshwe kunkundla ye-X eyayisaziwa ngokuthi Twitter kubikwa unina wosane wayelutshiye lulele kwelinye ikamelo lokulala esiyanatha itiye.
Amapholisa asachwayisisa ngokwabangela ukufa kosane njalo bacela ongabe elokunye akwaziyo mayelana lodaba lolu ukuthi abikele amapholisa aseduzane laye.
