Online Reporter
Bongani Ndlovu
UMCULI wodumo uSikhosana Buhlungu usedonse amehlo, waphathwa emlonyeni kulandela ukuhlabelela uSir Wicknell. Chivayo ingoma, ecela ukuthengelwa imota.
USikhosana, odabuka eNkayi, eMatabeleland North uthe engathola imota, kuzaba lula kuye ukuthi enze umsebenzi wakhe, nanko okwakhathesi uhamba ngebhayisikili nxa esuka emzini wakhe eqonde eNkayi Business Centre ukuyaqhunsa ingoma.
Uphosele ividiyo kuFacebook ngoLwesine, ephakathi kwebhasi, ecela uChivayo ukuthi amnike imota.
“Mhlonitshwa Chivayo, ngiyakubingelela ekuseni lokhu. Ngithemba uqhuba kakuhle wenza umsebenzi omuhle kwabanengi. Ngimele iSikhosana Band, ngiyakuthanda njalo ngiyawuncoma umsebenzi wakho,” nguSikhosana lo.
Uthe imota izamnceda ukuthi enelise ukuthwala iziginci zakhe.
