admin
UGONYULUKA ngamanyala omkakhe owesilisa weDassenhoek, eThekwini, “omondlise ingane engumfana eleminyaka yokuzalwa engu-18”, ezitshela ukuthi ngeyakhe, kanti wayitshontsha ngoba efuna ukukhohlisa yena ukuthi sebelengane.
Uthi wethuke woma uMnumzana Eric Hadebe ngesikhathi esethola ukuthi “indodana” yakhe, uMkhululi Mthimkhulu (osesithombeni), kayizali, umkakhe owatshona ngo-2011, engalikhulumile iqiniso uNkosikazi Joyce Hadebe, uMaMkhize, wayitshontsha kowesifazane weMlazi ayezwana laye. Uthi uyehla uyenyuka, ucela ukufuniswa abazali bangempela bendodana yakhe. Uthi wayetshade loMaMkhize, owayesebenza koLizzard, eMngeni, eThekwini.
Bahlangana ngo-2002, kwathi bephakathi kothando lwabo ngo-2003, uMaMkhize wambikela ukuthi uzithwele. Ngaleso sikhathi wayeseqalile ukulobola. “Wabeletha” indodana ngoMabasa 2004.
UMnu Hadebe uthi ngemva kokuba umkakhe ebelethile, wahamba wayahlala kibo, efika ngokumvakatshela.
“Kwathi nje esanda kubeletha, ngafonelwa, ngatshelwa ukuthi umkami ubotshelwe icala lokutshontsha ingane.
Ngethuka ngoma ngoba ngangingazi ukuthi ingane ngeyethu, futhi ngangisibona lesisu ezithwele, kodwa sasingahlangani.
“Icala laphelela emoyeni ngoba ingane okwakuthiwa uyitshontshile, amapholisa kawayitholanga. Bengiyikhulisa ingane, ngiyitshisela impepho, ngiyenzela konke ngoba ngithi ngeyami.
“Ithumba lize labhoboka ngoba umkami esetshonile, ngaqala ngezwa izindaba ngabantu ababesondelene layo, bengitshela ukuthi kulento engabaphathe kahle, bafuna ukuhlambuluka.
“Bangitshela ukuthi ingane yomfana engiyikhulisayo akusi eyami, umkami wayitshontsha kowesifazane weMlazi ngoba wayengasakwazi ukungitholela abantwana ngoba wayesesivalile isibeletho.
“Ziqhubekile lezi zindaba zilokhu zifika, abanye bethi mangiyisukumele lindaba ngitholele ingane abazali bayo bangempela,” kutsho uMnu Hadebe.
Uthi lezi zindaba zicine seziyihlukumeza lendodana yakhe, njengoba amanye amalunga omndeni wakoMkhize (komalume bengane) abeyitshela emehlweni ukuthi kayizalwa khona, mayihambe iyofuna izihlobo zayo.
“Sengizame kanengi ukuthola abazali bengane bangempela, sengivela laseDurban Central, lapho okuthiwa unina wengane walivula khona icala lokutshontshwa kwayo, kodwa ngifike ngangasizakali.
“Amapholisa angitshele ukuthi kuzaba nzima ukuthi angisize uma ngingelalo igama lomuntu owavula icala.
“Ngehluleke ngitsho ngiwatshela ukuthi ngilamagama omuntu owayevulelwe icala.
“Ngiyacela ukuthi uma kukhona owesifazane eMlazi owatshontshelwa ingane yakhe engumfana ngoMabasa 2004, angithinte ngoba ngiyafisa ukuba ingane ithole isibongo sayo sangempela.
“Isize yaphazamiseka ngitsho lasesikolo ngenxa yalinkinga yokwazi ukuthi kangiyizali, abazali bayo kasibazi,” kutsho yena.
Okhulumela amapholisa eKwaZulu-Natal, uLt Col Nqobile Gwala, uthi bebengelalo ulwazi ngalolu daba. Ucele ukuthunyelwa imininingwane egcwele ngodaba ukuze bezolulandelela labaseshi. —ILanga
Online Reporter