Online Reporter
UKHATHAZEKILE umdeni womfanyana oleminyaka emine okuthiwa utshe wangqongqa emkhukhwini abelaliswe kuwo yedwa ngoMgqibelo ebusuku.
Lumlilo okusolwa ukuthi udalwe likhandlela ebekade litshiywe livutha uthethe impilo ka-Ayabonga Tsoeali.
Ekhuluma le-Echo Eyethu, umkhulu wakhe uJabulani Dlamini uthe bekade besemcimbini wezingane bonke obukade usingethwe komakhelwane ngaphambi kokuba kwenzeke lesisehlakalo.
“Ngangihlezi eduze lesango ngesikhathi umzukulu elokhu engikhombisa isikhwama sakhe esasilesiwiji. Kuthe emva kwesikhatshana ngahamba ngayavakatshela omunye umakhelwane,” kutsho uDlamini.
Uthe bahlala ku-veranda baphuza kwathi umzukulu wakhe esekhathele weza kuye wahlala emathangeni wajumeka.
Ngamthatha ngamusa ekhaya ngamlalisa embhedeni. Ngabe sengihamba ngisiyakhangela ugogo wakhe ukuze amkhangele kodwa kangizange ngimthole. Ngadlula ngayofuna omunye umama esimthembayo wakhona endaweni, ngeshwa laye wayengekho.
Uthe ngesikhathi esendleleni ebuyayo wezwa omunye ethi kukhona umkhukhu otshayo.
“Ngazibuza ukuthi kungenzeka yini ukuthi kutsha ekhaya. Lokhu sekungokwesithathu kusitsha ekhaya. Ngesikhathi ngifika umlilo wawusumkhulu. Kunzima ukwamukela ukuthi umzukulu wami kasekho emhlabeni. Ubeyingane ehlakaniphile, ethanda nama-hugs,” kutsho uDlamini.
Ukhansila Ram Roy unxuse umphakathi ukuba uqaphele kwazise lesi isikhathi lapho okuvame kakhulu imlilo ezindaweni eziyimikhukhu.
“Kunzima kulomdeni nje belahlekelwe yingane eleminyaka emine. Sizwelana kakhulu labo. Siyathemba ukuthi uNkulunkulu uzakuba labo kulesikhathi,” kutsho yena.
U-Roy ungeze ngokuthi indlela eyakhiwe ngayo lemikhukhu yenza kubelula ukuthi ithungeleke ngomlilo.
“Ayivalekile njengendlu. Inengi layo ivalwe ngama-plastic,” kwengeza yena.
Okhulumela amapholisa eMgungundlovu, uWarrant Officer Pancheal Singh uthe amapholisa avule idokethi lokuchwayisisa.
“Ngokutsho kuka-mama ka-Ayabonga, indodana yakhe yamtshela ukuthi seyikhathele ifuna ukuyolala. Ubaba wakhe wasemzini (Dlamini) wathatha ingane wayisa emzini wakhe wase eyilalisa embhedeni komunye wemikhukhu eseduze lalapho bekulomcimbi khona.
Ubulembu
