adminYiNtatheli Kamthunywa
IMVIMBI yeqembu leHighlanders uTeenage Hadebe ibikele uMthunywa ukuthi kulezinsuku izizwa iqinile njalo izaqhubeka idlala okuzenza ithimu le yenqabele ukuxotshwa kuligi enkulu.
“Ngeke ngikutshele amanga, ngiqine okuzwayo enkundleni njalo lebhola liyangivuma. Ngokubona kwami, akula ngitsho loyedwa umdlali othi iHighlanders iyaphuma kuPSL. Sifuna ukudlala kuligi le sitshengise abantu ukuthi ngomnyaka ozayo sikhona njalo.
“Ngokusila kwami, ngifike ngaba ngumdlali omutsha. Angesabi ukutshela abalandeli bomdlalo ukuthi izimanga zikaTeenage Hadebe khona lizazibona kumasizini alandelayo.”
Ukhulume lokhu ezitshaya isifuba esithi abalandeli bangesabi ngoba iHighlanders kayisoze iphume kuPSL. Uthe ulokwethemba ukuthi iBosso izanqoba kumidlalo eseleyo.
Umdlali lo ochinse ukudlala kunguqu ephakemeyo kulisizini uthe iHighlanders kumele ingasuki kuligi yePSL ngoba yiyo yodwa ithimu eyenelisa ukumisana lamaqembu amakhulu.
Phezu kwalokhu uthe ukhuleka njalonje ukuthi uNkulunkulu abaphathise ukuze aqhubekele phambili ngomdlalo.
UHadebe ungomunye wabadlali abasakhulayo abakhethwa ngumqeqetshi uBongani Mafu ekuqaleni kwalisizini.
Umdlali lo uphakathi kwequla lamaWarriors azadlala kumkhankaso weChan kulimpelaviki enkundleni yeBarbourfields.
Online Reporter