Sidumisile Mabena
Yintatheli kaMthunywa
UMDLALI wakuleli uThandolwenkosi Ngwenya usengumdlali obaluleke kakhulu kuqembu leMazulu FC ngokutsho komqeqetshi u-Arthur Zwane.
UZwane uveze lokhu ngesikhathi encoma uNgwenya osehlohle amabhola ayisithupha kumidlalo elitshumi lambili.
Umqeqetshi woSuthu uncome uNgwenya kakhulukazi lapho ehlohla amabhola amabili ngesikhathi uSuthu lunqoba iTX Galaxy 3-2 eMoses Mabhida kumaviki adluleyo.
Kulumdlalo uNgwenya ungene ngomzuzu wesi-69, kukhitshwa uTebogo Masuku.
Okwakhathesi Amazulu akunombolo yesine kungalane yamaqembu, asele emuva ngemiklomelo emihlanu kulezo ezikhokhelayo i-Orlando Pirates.
Ukudlala kukaNgwenya sekumenze waba ngumdlali othenjiweyo eqenjini. Okwakhathesi, uNgwenya (23), nguye osehlohle amabhola amanengi kuMazulu FC.
Abanye abadlali asebehlohle amabhola ayisithupha kuligi nguBradley Grobler oweSekhukhune lo-Iqraam Rayners oweMamelodi Sundowns.
Okhekhela bonke kuBetway Premiership nguJunior Dion oweGolden Arrows osehlohle amabhola ayisikhombisa.
Umqeqetshi uZwane ukhulume ngendlela uNgwenya afike waba yinsika eqenjini.
“Ngiyajabula ngendlela uNgwenya adlala ngayo. Sizakuba liqembu elinzima ukulinqoba,” nguZwane ebulenjini.
Online Reporter