admin
Ethel Ncube loWayne Ncube
ZILOKHU zithwele imikhono ekhanda izakhamizi zeMaphisa, eKezi kulandela ukuzwa ngenye indoda ethelwe ngumkayo ngephethulo umzimba wonke andubana imkhiyele endlini imtshise kubangwa umakhwapheni.
Insindabaphenduli le yenzakale ngeviki ephelileyo lapho uBusani okungasatholakalanga isibongo sakhe athelwe ngamafutha emota ngumkakhe uSindi Ndlovu ngesikhathi besemzini wabo.
UBusani usesimeni esibi kakhulu esibhedlela seUnited Bulawayo Hospitals.
Kuzwakale ukuthi uNdlovu ngemva kokuzwa ukuba umkakhe uyajola wathela umkakhe ngephethulo umzimba wonke andubana amkhiyele endlini wasemlumathisa ngenhloso yokuba atshele phakathi.
Intatheli zikhulume lesinye isakhamuzi uMnumzana John Sibanda oveze ukuthi indaba yaqala uNdlovu aze asole ukuba umkakhe ulomakhwapheni.
“Ukusabalala kwamahemuhemu okuba uMaNdlovu utshise uBusani kwethuse wonke umuntu lapha ngoba akula obekulindele, kusize omakhelwane ababuye bavula bacitsha umlilo andubana bagijimisele uBusani esibhedlela seMaphisa.
“UMaNdlovu ebuzwa ngokutsha kukaBusani waphika wemba phansi ukuthi nguye otshise umkakhe ngoba emcabangela ukuthi uselomakhwapheni.
“Uthe ebona ukuthi abantu kabamkhangelanga upakitshe impahla zakhe wafulathela kungela ngitsho ombonayo,” kuchaza uMnu Sibanda.
Kubikwa uBusani wathi efika esibhedlela seMaphisa wadluliselwa esibhedlela seUBH lapho alokhu elaliswe ku-ICU.
UMthunywa uzwe ukuthi uNdlovu wazama ukuyangena esibhedlela ayebona umkakhe kanti wayengabuzanga elangeni ngoba wathola amapholisa emlindile.
Imizamo yokukhuluma lesikhulumi samapholisa esabelweni seMatabeleland South yehlule nanko phela ucingo belukhala lungadojwa.
Online Reporter