Uthethisa umakhelwane, achithe amanzi egumeni lakhe

court

Nkosilathi Sibanda

KULENDODA yakoBulawayo edelela okwedlulisileyo okokuthi ize yafika kubanga lokuthethisa lokuchitha amanzi egumeni likamakhelwane wayo.

UMxolisi Ndlovu, oleminyaka engu-50 yokuzalwa, kubikwa ubekwenza kanengi nengi lokhu, ehlukumeza u-Orpheaus Sibanda.

Kubikwa umsolwa wabotshelwa icala leli wamiswa phambi kukamantshi, waphiwa iPeace Order.
Kulandela ukuphiwa kwakhe iPeace Order le, uNdlovu wabuyela njalo wayathethisa umakhelwane.

INational Prosecuting Authority of Zimbabwe ibike ukuba mhlaka 22 Nhlolanja 2026, uNdlovu wagijima wayachitha amanzi phambi komnyango kaSibanda, qede lapho wamtshela amazwi ahlambazayo.

Ngesikhathi ekhuluma inhlamba, wezwakala ethethisa njalo lomantshi lo owayemnike iPeace Order.

Indlela uNdlovu aziphathe ngayo ichazwe njengokuthi yikwephula umthetho ngoba waphazamisa isithunzi lesisindo somthethwandaba.

Umthethwandaba uthe uNdlovu abhadale US$200 kumbe ahlale inyanga ezine ejele.

facebookShare on Facebook
TwitterPost on X
FollowFollow us
PinterestSave

Related Posts

UMongameli uMnangagwa uqeqetsha abafundi beNUST abangu-2 570
UMongameli uMnangagwa uqeqetsha abafundi beNUST abangu-2 570

Yintatheli kaMthunywa KUME konke koBulawayo, kwaba yinjabulo mgoLwesihlanu kuqhutshwa umbuthano wokwetheswa kwezicoco zemfundo kubafundi beyunivesithi ye-National University of Science and Technology. Abafundi abangu-2 570 baphiwe incwadi zabo zokuqeda izifundo nguMongameli…

Continue reading
Iminyaka emithathu ejele, bezama ukubulala isisebenzi
Iminyaka emithathu ejele, bezama ukubulala isisebenzi

  Nkosilathi Sibanda KULAMADODA amabili akoBulawayo agwetshelwe ukuyahlala ejele iminyaka emithathu kulandela ukuzama ukubulala enye indoda abasebenza layo. Lokhu kuvele ngesikhathi uNjabulo Mpofu (31) owelokitshini leMabuthweni lo Clinton Mlilo (27)…

Continue reading

Leave a Reply

Your email address will not be published. Required fields are marked *