admin
Ethel Ncube
KULESELA leShurugwi elibanjwe ngamapholisa lilenkakhayi ezintathu zendwangu emoteni ebeliyitshontshile.
Umsolwa uPanganai Sithole umiswe emthethwandaba ensukwini ezisanda kwedlula eShurugwi esetheswa amacala amabili elokutshontsha imota kanye lelokutholakala elenkakhayi zendwangu ezintathu.
Umtshutshisi kulelicala uPride Gomera ubikele inkundla ukuthi umsolwa mhlaka 19 Mfumfu watshontsha imota wayayipenda kutsha wasesiya eMandamawe lapho abanjwa khona ngamapholisa.
Kuzwakale ukuba umsolwa wacela ukugada imota uthe esendleleni watshengisa abantu ababephakathi umbhobho okwenza baphuma emoteni wabaleka layo.
Kubikwa ngemva kwesikhathi amapholisa ezwa udletshana lokuthi umsolwa ulapho okuhlala khona idlalicatsha lakhe okwenza amapholisa ayamdinga lakanye bamfica.
Kubikwa amapholisa athi esehlola imota athola kulenkakhayi zendwangu ezintathu phakathi.
Umantshi uPercy Mukumba udlulisele phambili ukuthoniswa kwecala leli njalo umsolwa uzabuya evela esitokisini.
Online Reporter