Uvele enkantolo ofunwa ngezinsolo zokubulala umkakhe lezingane eNgilandi

UZABUYELA enkantolo ngeviki ezayo uNdodana Mkhanyisi Tshuma waseZimbabwe, obanjwe kweleSouth Africa, ofunwa eNgilandi ngezinsolo zokubulala umkakhe lamadodakazi abo amabili.
UTshuma (45) uvele kafitshane enkantolo kamantshi eGoli lamuhla ngoMvulo ngecala lokutholakala elombhobho ongekho emthethweni, okusolakala ukuthi ubefuna ukuzibulala ngawo. Ubotshwe ngamapholisa ngoLwesihlanu.

Ngokutsho kwesikhulumi samapholisa uBrig Athlenda Mathe, basebenzisana lophiko oluphenya ubugebengu emhlabeni i-Interpol, ukuthola ukuthi uTshuma ufike njani eSouth Africa, lokuthi kukhona yini abamsizileyo ukubalekela ingalo yomthetho.

Ukubotshwa kwale indoda sekukhuphule izinsolo ngokusenza kwewofisi zezokuphepha emingceleni yeliwe, okwenza kugcine kungena lezigebengu eziyingozi, okubeka engcupheni impilo yezakhamizi.

Ngokutsho kwamapholisa, uTshuma ufike eSouth Africa mhlaka 5 Ntulikazi. Kuthiwa ubelamanye amalunga omndeni wakhe ngesikhathi ebotshwa.

 

facebookShare on Facebook
TwitterPost on X
FollowFollow us
PinterestSave

Related Posts

Yimpelaviki yomdladla kuDivision One
Yimpelaviki yomdladla kuDivision One

Fungai Muderere ILIGI yomdlalo kanobhutshuzwayi kuPacific Breeze Southern Region Soccer League ibuyela enkundleni ngoMgqibelo ngemidlalo ekhangeleka ihlabusa, lapho amaqembu azabe edinga imiklomelo ukuze aqinise izikhundla zawo kulogu, njengoba isizini isingena…

Continue reading
IPickleball isungulwa emaYouth Club akoBulawayo
IPickleball isungulwa emaYouth Club akoBulawayo

Nkosilathi Sibda IKHANSILI yakoBulawayo ibika ukuba isizasungula umdlalo we-pickleball kundawo zabasakhulayo, kuma-youth clubs, ngenjongo yokusekela lumdlalo lokukhuthaza intsha ukuthi iphatheke kwezemidlalo. Lokhu kuvele ngesikhathi kuqhutshwa umncintiswano weZimbabwe Prickleball Association Community…

Continue reading

Leave a Reply

Your email address will not be published. Required fields are marked *