Online Reporter
Zimpapers Sports Hub
USOMABHIZIMUSI uWicknell Chivayo usenikeze iqembu leHighlanders usekelo lwemali engange iUS$1 miliyoni.
Uthe lokhu ukwenzele ukugcwalisa isifiso sikamuyi owayenguMsekeli kaMongameli welizwe uJohn Landa Nkomo.
Imali le kukhangelelwe ukuthi iphathise kakhulu ukuthi iHighlanders iqhube inhlelo zayo kunye lokuqinisa iqembu ngokuthenga abadlali, ihlose ukwenza ngcono kumkhankaso weCastle Lager Premiership kulisizini.
Kubikwa okwakhathesi, uChivayo usethembise njalo iUS$250 000 ezasetshenziswa kunhlalakahle yabadlali, imisebenzi yehofisini lokuthola ithalenta elitsha.
UChivayo, owaziwa njengomsekeli omkhulu weHighlanders, uthe lokhu ukwenze ngoba waba lengxoxo uMsekeli uNkomo esesibhedlela seSt Anne’s ngo2012, lapho umuyi amtshela izifiso zakhe zokuthi asekele ZANU PF, i-Family Trust lokuxhasa iHighlanders.
“IHighlanders kayisi qembu lebhola nje kodwa iluphawu oluphilayo lwamagugu, ukubambana, lokuzigqaja ebantwini bakoBulawayo laseZimbabwe jikelele,” kutsho uChivayo.
“Lokhu kumayelana lokuhlonipha izifiso zikamalume lokusekela umphakathi leqembu.”
