admin
Thokozile Mbedzi
KULENDODA yakoMasendu ePlumtree okubikwa ukuthi ixabane lomkayo yazibophela endlini yabo yokulala.
ULimukani Dube oleminyaka yokuzalwa engu-44 wesigabeni seMadlambuzi koMasendu kuvele ukuba uxabane lomkakhe uSikhulekile Maphosa oleminyaka engu-37 wazibophela ngeviki ephelileyo emzini wabo.
UMthunywa uzwe ukuthi uNkosikazi kaDube wathi enanzelela ukuba umkakhe lokhe ethukuthele wabaleka waya komakhelwane.
Ekhuluma lentatheli kaMthunywa uMnumzana Saviour Mpofu uthe lokhe betshe amathe ngesenzo sika Dube.
“Njengezakhamizi silesithuli sokuba kambe njengoba ukuxabana kuhleli kukhona phakathi kwabathetheneyo kambe bekungaze kube lesidumbu phansi.
“Asazi sibili ukuthi bebe angani lowangakwakhe okungabe kwenze wazibophela kutsho ukuba ubecunuke kakhulu,” kutsho uMnu Mpofu.
Kubikwa ababili laba baxabana emzini wabo sekuhlwile unkosikazi wakhe uthe ebona ukuthi umkakhe uzonde kakhulu wabaleka wayacatsha kwesinye isihlobo esiseduzane lapho alala khona.
Uthe ekuseni ebuyela emzini wabo wathi engena endliini yabo yokulala evula isivalo wahlangabezwa yisidumbu somkakhe ephahleni.
Isikhulumi samapholisa esabelweni seMatabeleland South uLoveness Mangena ebuzwa ngodaba lolu uthe solufikile ehofisini labo ngakho uzulu katshiyane lodlakela nxa kuxazululwa ingxabano ukuze singalahlekelwa yimpilo njengalokhu,” kuphetha uInsp Mangena.
Online Reporter