admin
Nkosilathi Sibanda
UKHULUME kwezwakala umqeqetshi wama-Warriors uLoga ukuba udideke ingqondo ngesikhathi eqoqa iqembu lakhe elifike ladliwa kumkhankaso wenkezo yeCosafa.
AmaWarriors ayehluleke ukusondelela isigaba esilandelayo salumncintiswano, okutsho ukuba abafana sebephenduka ekhaya. Unqotshwa yiSenegal 2-1 kumdlalo wokucina leSenegal ngoLwesibili kuveze ukuthi iqembu belingazimiselanga ngokuphelela.
Umqeqetshi ukhethe ukuba axolise abalandeli kodwa uphange wazigeza ebika ukuba kazange athole isikhathi.ULoga uveze lokhu kumbiko awethule kuliviki ophethwe liphephandaba likazulu.
Kulumbiko, uLoga uthe inhloso isizakuba kumiqhudelwano ezayo abalisa iAfcon leWorld Cup.
Uzigeze izandla ngokukhetha abadlali ababalisa uOvidy Karuru okwaziwayo ukuthi abalamaqembu abadlalela kuwo.
“Ngiyazi ukuba inkezo yeCosafa ngeyokuthi sibumbe iqembu lakusasa. Ngihambe labadlali engibone ukuthi bafanele ababalisa uKaruru (Ovidy). Umdlali lo labanye abangela maqembu bekumele babekhona.
“Kwelakusasa ngizakhangelisa kakuhle kodwa indlela esidlale ngayo ayisolisi kangako,” kutsho uLoga.
Umqeqetshi lo ugcizelele wathi kazange athole ithuba lokuthi abukele abadlali abakumaqembu aphandle kweHarare.
“Ngabona imidlalo yamaqembu ayisithupha kuphela kumidlalo ekhona,” utsho lokhu evala ukuthi kungani wabiza abadlali abalutshwane abakumaqembu aphandle kweHarare.
Iphephandaba likazulu kumaviki adluleyo lakhipha udaba lapho abalandeli abakhonona ngokuthi kungani lumqeqetshi ekhekheleze abadlali okwaziwayo ukuthi bangcono kulalabo abakhethwayo.
Online Reporter