Online Reporter
Bhekimpilo Tshalibe
KUYABE kungabizwa ozwayo e-Amhlophe High School ngoLwesihlanu mhlaka 28 kuyonale inyanga nanko phela uD Craize loReliance Busker bazabe besethula iEP (Extended Play) elesihloko esithi Essence of kwaito.
Ekhuluma lentatheli uDumisani Dumbura odume ngelokuthi D Craze uthe i-EP le abazayethula ilengoma ezinhlanu.
“I-EP esizayethula ilengoma ezingu-5 eze-Kwaito njalo zilesihloko ezithi Gqwala, Qoqo, Keep Straid, Sgubhu samajimbosi kunye lethi Love of my life. Okunye Ingoma lezi ngazihlabela ngiloReliance Busker,” kutsho uD Craze.
Uthe mhla welanga kuzabe kulabanye abahlabeleli abazabe behlabela yena engakafiki.
“Mhla welanga lokwethula i-EP sizabe silabahlabeleli abazabe bejabulisa abantu (curtain raisers) abagoqela uSoniqx, loAbdula, loLwandle ClassBoi kanye loSenseii. Sizabe silembongi ezimbalwa ezifunda e-Amhlophe,” kutsho uD Craze.
Uthe kuzabhadaliswa imali encane yokungena egedini.
“Egedini kuzabe kubhadaliswa njalo umcimbi lo uzaqalisa ngo 10 ekuseni usiyaphela ngo-4 emini,” kutsho uD Craze.
Uphethe ngokuthi uzabe elesivakatshi esileminyaka eminengi singumhlabeleli.
“Ngizabe ngilesivakatshi esithiwa nguPoyi, oseleminyaka engu -15 engumhlabeleli,” kuphetha u D Craze.
