Uzaphindela edale owabulala umnewabo kubangwa umfazi

The man will serve an effective six months in prison

During his hearing before Harare magistrate Ms Ruth Moyo, Matematsaka was remanded in custody pending a bail hearing.

Ethel Ncube

KULENDODA yeMahetshe eKezi ngaphansi kwenduna uFuyana eyabulala umfowabo yamkhipha ubuchopho kubangwa ukuba wenza behlukana lomkakhe.

UXolani Dube oleminyaka engu-36 yokuzalwa umiswe emthethwandaba weGwanda esetheswa icala lokubulala uGift Dube njalo uzaphenduka emthethwandaba mhlaka 27 kuyonale inyanga.

Mhlaka 12 kuyonale inyanga ngezikhathi zantambana kwaba lokungazwani lomfowabo uGift esithi nguye obangele ukuthi behlukane lomkakhe.

Kubikwa ekuqaleni umsolwa wayefuna ukuxotsha uGift ekamelweni lakhe kodwa wacina esemtshaya ngomphini wehloka ayewuthethe ngemva kwesivalo.

UXolani watshaya umnewabo ubuchopho baze baphuma egcekeni njalo wathi enanzelela ukuba usedlula emhlabeni waphuma wayabikela amapholisa eMaphisa okwakwenzakele okwabangela ukuthi ahle abotshwe.

Umantshi uMnumzana Busani Sibanda uxwayise umsolwa ukuba abhalele emthethwandaba omkhulu ecela ibheyili.