Online Reporter
Nkosilathi Sibanda
BAZAGCWALISA inkundla abadlali labalandeli be-pool koNtuthu ngoLwesithathu, kumidlalo yokudinga abadlali abayisitshiya galombili abazamela isabelo kumncintiswano wama-Under 23.
Kuzadibana abadlali abedlula amakhulu amane enkundleni yeQueens Sports Club kusukela ngehola lakuqala emini.
Akubizwa ozwayo kulinkundla ezahlanganisa ithalenta elitshisayo phakathi kwabadlali abasakhulayo edolobheni lakoBulawayo.
Omunye wenkokheli zomdlalo esabelweni, odume ngokusekela abadlali abacathulayo, u-OsbourneWells Dziko utshele iphephandaba likazulu ukuthi badinga intshantshu ezakhethwa phakathi kwentshantshu.
“Kumdlalo we-pool sithi intshantshu ikhethwa phakathi kwentshantshu. Sifisa ukubukela imidlalo ezasitshiya silangazelela ukubukela eminye ngoba sikhuluma ngabadlali abasaqinileyo, abaphethe ikusasa yomdlalo. Sizabona umncintiswano wentshantshu,” nguDziko lo.
Abadlali abazakhethwa kuqula lesabelo sakoBulawayo bazadlala labanye abakwezinye izabelo, kumncintiswano ozaqhutshwa kunyanga ezizayo. Kubikwa imidlalo yeQueens Sports Club izalandela uhlelo lwe-round robin, lapho abadlali abenza kuhle bazahle baqhubekele phambili ngokuphangisa.
Bonke ababukeli bavunyelwe ukuthi bezozibonela ithalenta elisakhula, banikeze abadlali laba usekelo.
