Online Reporter
Bhekimpilo Tshalibe
ABALIMI abalime isilimo se-green pepper bakhuthazwa ukuthi basivune ngoba sesidlulelwe yisikhathi futhi singacina sisonakala.
I-green pepper ivuthwa ngemva kwenyanga ezintathu ihlanyeliwe.
UMnumzana Mduduzi Dube ongu-Agronomist kunkampani yeAgriseeds usekhuthaze abalimi ukuthi kulesi isigaba sokulima bevune I-green pepper ngoba isivuthiwe njalo yisikhathi sayo sokuthi ivunwe.
Uthe le yiyo inyanga yokuvuna i-green pepper.
“I-green pepper ivunwa ngenyanga kaMabasa, njalo sikhuthaza abalimi ukuthi bevune i-green pepper nxa sikhulile okwaneleyo, njalo isilesisindo esingabayi 150g-180g,” kutsho uMnu Dube.
Uthe ukhuthaza abalimi ukuthi bevune i-green pepper ingakaqalisi ukutshintsha umbala.
“Sikhuthaza abalimi ukuthi bevune i-green pepper yabo isalombala oluhlaza njalo ingakaqalisi ukutshintsha umbala ukwenzela ukuthi ingaphangisi ukuswaba,”kutsho uMnu Dube.
Uthe kulaba abafuna i-green pepper eyabe isivuthwe yaze yatshintsha umbala ubakhuthaza ukuthi beyikhe ingakatshintshi indawo yonke.
“Sikhuthaza abalimi abafuna i-green pepper eyabe sitshintshe umbala ukuthi beyikhe ingakatshintshi umbala indawo yonke ukwenzela ukuthi ihlale isikhathi eside ingonakalanga ngoba ingatshintsha indawo yonke iyaphangisa ukuswaba,” kutsho uMnu Dube.
Uthe ukhuthaza abalimi ukuthi nxa sebesikha i-green pepper yabo besebenzise ingqamu.
“Sikhuthaza abalimi ukuthi nxa sebevuna i-green pepper besebenzise ingqamu ngoba i stem se-green pepperkasiqinanga njalo bengasebenzisa izandla bengaphambanisa isilimo,” kuphetha uMnu Dube.
