Online Reporter
YAZIKHALELA yathi: “Malumekazi uyangilimaza” ingane yomfana waku-Q, eMlaza, eSouth Africa ngesikhathi owesifazane ongumakhelwane eyiklinya intamo eyibulala.
Lokhu kuvezwe nguNkosazana Noncedo Ngwadla ongudadewabo kamsolwa ngaphandle kweNkantolo kamantshi weMlaza, izolo, ngesikhathi evela okokuqala.
UNkosazana Sibongile Ngwadla (39), usolwa ngecala lokuthumba lokubulala uNtobeko Xaba (5). Umsolwa wayemthumbe ngo-Ncwabakazi 22, umufi, wambulala ngakusasa. Isidumbu sakhe size satholwa ngoLwesine olwedluleyo, emhosheni ongaphansi kwebholoho eliphakathi kuka-Q lo-U, sikhonjwa nguye umsolwa.
Ngemva kokuvela kwakhe enkantolo ebigcwele phamu umphakathi, udadewabo, uNkszn Ngwadla uthe nguye umsolwa omxoxele ukuthi umufi wazikhalela wathini ngesikhathi embulala.
“Ukhombise ulunya, eklinya ingane encane kangaka, maqede wayigoqela ngengutshana (throw), wayiphosa ngaphansi kwebholoho,” kutsho uNkszn Ngwadla.
Umsole ngokungawucabangeli umdeni kamufi, ewuphuca othandiweyo wawo ngendlela elesihluku.
“Akwenzileyo kukhombisa ukuzicabangela yedwa. Akawucabangelanga umdeni wengane, imbi into ayenzileyo,” utsho kanje.
Umchaze njengowesifazane obelakho ukukhohlakala kodwa wathi bebengakaze bazitshele ukuthi usengaze abulale umuntu.
“Asikaze sizitshele ukuthi ngelinye ilanga angabulala umuntu, angiphathi ke ingane encane,” kubeka uNkszn Ngwadla.
Uthe ngesikhathi efika ekhaya ngoMgqibelo, wafika esezihambela yedwa, wabatshela ukuthi kuthiwa utshontshe ingane ku-Q.
Lokho uthe wabuye wayembathisa kahle inkulumo yakhe ethi usexhumene lonina kamufi, wathi akangabe esakhathazeka ngoba ingane isitholakele.
“Ecatshe ngaphansi kombheda, wathi ukhetha khona kuze kuba ukuthi iyatholakala ingane bese beyabona ukuthi yena abengahlangene lokunyamalala kwayo,” utsho kanje.
Udalule ukuthi ubulala umufi nje, yena uzele eziyisithupha izingane.
Unina wengane, uNkszn Ntombifikile Xaba, uthe kumthusile ukuzwa ngaphakathi enkantolo ukuthi umsolwa uhlongoza ukufaka isicelo sebheyili.
“Ngemva kwento engaka ayenzileyo, angazi ukuthi isibindi sokufuna ukufaka isicelo sebheyili usithatha ngaphi?” kutsho uNksz Xaba.
Uthe ngesikhathi embona emile ebhokisini labasolwa, kuke kwathi akajombe ayombamba ngezandla ngenxa yobuhlungu amzwise bona, embulalela ingane, engakaze imonele lutho.
Ngaphakathi enkantolo umtshutshisi woMbuso, uMnumzana Lungelo Mkhithi, uthe bazosiphikisa isicelo sebheyili uma umsolwa esesifaka.
Waveza ukuthi kusekhona ulwazi olusasilela olufaka phakathi ukuthola kabanzi ngaye (profiling), uqinisekiswa kwekheli angaphuma ayohlala kulo uma kwenzeka ededelwa ngebheyili.
Umsolwa ucele ukumelwa ngummeli kahulumende.
Umantshi uMnumzana Kheswa ibe isilihlehlisela kuMpandula 8, icala ukuze umsolwa afake isicelo sebheyili.
Umufi wanyamalala ngo-Ncwabakazi 22, eyodlala lezinye izingane.
Ezintatha zangakusasa unina wabe esethola umlayezo uvela enombolweni angayazi, umyalela ukuthi akafake u-R60 000 ngo-cash send ungakatshayi u-1 emini, uma efuna ingane yakhe ibuye iphila. Omunye umyalezo wathi sesifikile isikhathi sokuthi akhokhe ngalokhu amenza khona ngo-2020.
Emva kokuhlatshwa komkhosi ngokunyamalala kwengane ezinkundleni zokuxhumana, owesifazane wasemijondolo yakoJeena, eMlaza, waveza umkhondo wokuthi umsolwa ufikile kuye ehamba lengane efanayo.
Waphinde wabonakala eyibelethe ngasezihlotsheni zakhe ezihlala eMalukazi, ngaphambi kokuba abalekele eMzimkhulu, lapho acine ebanjwa khona ngoLwesithathu.—Isolezwe
