adminMunyori weKwayedza —
KUGADZIRWA kwemabhuku ekuverenga evadzidzi pakoreji yeHarare Polytechnic kuri kufambira mberi zvakanaka apo paine tarisiro yekuti pange padhindwa mamodule gumi nemaviri gore rino risati rapera.
Mabhindauko aya akatanga muna 2014, mushure mekudhindwa kwemodule reInternational Relations chirongwa ichi chichitungamirwa naPrincipal weHarare Polytechnic Engineer Tafadzwa Mudondo.
Izvi zvakaita kuti paburwe gwaro rezvekudhindwa kwemabhuku reModule Development and Production Policy. Mutemo uyu unobatsira kuti vagadziri vemamodule, vanyori, vaverengi, nevaongorori vange vachipihwawo chouviri izvo zvinovapa manyuku-nyuku ekuti varambe vachiita basa ravo zvichitevera kupembedzwa kwavanenge vachiitwa. Mamodules aya anodhindwa kuchikamu chePrinting and Graphics Department icho chiri paHarare Polytechnic.
Parizvino, Harare Polytechnic yakabura mamodule mapfumbamwe ane zvidzidzo zvakasiyana zvakadai seInternational Retations, Industrial Chemistry, Basic Communication, Mechanical Engineering, Information Communication Technology; Engineering Science, Human Resources Management neTelevision Production.
Eng Mudondo vanoti muzvidzidzo zveKnowledge Management vakaona zvakakosha kuti ruzivo rwunge rwuchiendeswa kuvanhu uye kuti vashandi vari mubasa iri vange vachitendwa. “Kuchengetedzwa kweruzivo kwakakosha nekuti kunobatsira mukusimudzirwa kwenyaya dzetsika nemagariro uye kugoverana ruzivo kunounza shanduko.
“Ndinonzwa manyuku-nyuku nevanyori vemamodule uye hofisi yangu icharamba ichitsigira zvirongwa izvi,” vanodaro Eng Madondo.
Online Reporter