Online Reporter
Ethel Ncube
IZAKHAMIZI zesiqintini se-Avoca, eFilabusi eMatabeleland North sezifake isicelo sokuthi umthetho udlale indima yawo kumetheswacala owangenela elinye inina, walidlwengula ubusuku bonke.
Umadlwengula lo (ibizo siliphethe) wenze isiga lesi ngeviki eledluleyo.
Intatheli zixhumane lezakhamizi zakule indawo esiveze ukuthi zihlalele evalweni.
“Sicela umuntu lo avalelwe ngecala lakhe lokudlwengulwa ngoba uvele uyahlupha, usithwalise nzima ekhaya. Ubaba lo ubehlala eGoli njalo kubikwa lakhonale eGoli ulamacala awabalekelayo.Uyasihlupha, sicela umthetho udlale indima yawo. Engaphuma engasibulala asiqede,” kutsho isakhamuzi esesabe ukuqanjwa.
Omunye othintane lephephandaba likazulu ubike ukuba kunzima okwenziwa ngumadlwengula.
“Ubaba lo kagwetshwe kungabuyelwa emuva. Uyahlupha esigabeni sivele asilakuthula. Siyesaba lokuyadinga obabhemi lembuzi egangeni. Kukhanya laseMzansi wayedlwengula abantu khonale.”
UMnumzana Themba Sibanda, oyisakhamuzi ubike ukuba abantu abayebika emapholiseni,
“Bonke abawonelwa ngumadlwengula abahambe emapholiseni beyebika amacala akhona ukuze nxa esegwetshwa agwetshelwe amacala akhe bonke. Omama nxa bekhona abadlwengulayo bathula sicela liyefika emapholiseni libike lingathuli umuntu kumele afele izono zakhe,” kubika uMnu Sibanda.
Osaphethe isikhundla sesikhulumi samapholisa esabelweni seMatabeleland South u-Assistant Inspector Stanford Mguni uthe baphezulu kokudingisisa ngokwenzakalayo.
“Sithanda ukuxwayisa uzulu ukuthi nxa bekhona abehlelwa yisiga esinjenga lesi, aphangise abikele amapholisa.”
