Londile Moyo
Ethel Ncube
AMAPHOLISA akoBulawayo asebophe indoda yeNketa 9, koBulawayo okucatshangelwa ukuba yabulala umuntu kubangwa imali yenkombalanga.
UZibusiso Ndlovu (33), wetheswa icala lokubulala uTonderai Blessing Sithole (53) obehlala eNketa 6.
Mhlaka 11 Mbimbitho 2026 ekuseni, uNdlovu wasuka lomufi endlini yakhe baya edolobheni lakoBulawayo. Sekuntambama, uNdlovu wabuyela yedwa ngekhaya, kwathi uSithole wafika endlini ngo-2200hrs. Kwaba lokuxabana phakathi kwabo, uNdlovu esola ukuthi umufi umqile imali yewatshi ababeyithengisile.
UNdlovu wamtshaya ngogodo, langepiki kanye lomphini wekhuba okwabangela ukuthi uSithole alimale kakhulu emzimbeni wonke. Esikhundleni sokuba abikele abazali kumbe abanye, uNdlovu wazama ukumelapha yedwa ngekhaya.
Kuthe mhlaka 14 Mbimbitho 2026 ekuseni, isimo sikaSithole saba sibi kakhulu. UNdlovu wabikela unina kaSithole, owabiza i-ambulensi, kodwa ngesikhathi ifika, yathola uSithole esedlule emhlabeni. Amapholisa abikelwa ngalesi sehlakalo, kwasekubotshwa uNdlovu.
Intatheli ixhumane lesikhulumi samapholisa koBulawayo uInspector Nomalanga Msebele oveze ukuba sebebophe umetheswacala esolwa ngokubulala.
“Sikhuthaza umphakathi ukuthi angasebenzisi udlame ekuxazululeni ingxabano ngoba lokhu kuholela ekulahlekeni kwempilo.
“Sikhuthaza njalo ukuthi abantu babike udlakela nxa luqhubeka lusenzakala,” kutsho uInsp Msebele.
Online Reporter