Online Reporter
Lovemore Dube
IHIGHLANDERS isiyengeze abadlali abatsha kuqembu layo, kulungiselelwa isizini ka-2026.
Abadlali laba nguMongameli Tshuma, Rayton Chuma, Royn Nyamono, Tawanda Shenje loPride Zendera. Isaziso sokufika kwalaba badlali senziwe ngoLwesine ekuseni.
UTshuma, oleminyaka engu-24, ungumdlali wakudala weMpumelelo FC eyeMpopoma esigabeni sabasakhulayo, ube yingxenye yeHwange FC eyehluleke ukukhwela kuPremier Soccer League ivela kuZifa Southern Region League ngomnyaka odluleyo.
UTshuma oleminyaka yokuzalwa engu-24, uvela eqenjini leNUST elingazange lenze kuhle kuDivision One. UZendera, oleminyaka yokuzalwa engu-33, ubengunozinti wesibili kuChicken Inn iminyaka eminengi, kubamba uDonovan Bernard. Kukhangelelwe ukuthi athathe indawo esabanjwe ngu-Ariel Sibanda.
UNyamono ufika evela kuBikita Minerals. Ungumdlali oleminyaka yokuzalwa engu-18, osebenza njengomdlali ophakathi ohlaselayo, njalo kulindeleke ukuthi alethe amandla amatsha kundawo lapho okwaku loDevine Mhindirira, McKinnon Mushore, Godfrey Makaruse lomgadli uLynnoth Chikuhwa.
Kukhulunywa njalo ukuthi abasendleleni nguRansome Pavari, Shepherd Mhlanga loShelton Moyo.
UPavari loMhlanga bake babizelwa eqenjini lelizwe eminyakeni edluleyo.
derick.khumalo