admin
Johas Moyo
ABE-LIVESTOCK Production Department esabelweni seMatabeleland North bakhuthaza abalimi ukuthi basebenze ndawonye ukuze inhlelo zabo zithuthukise izigaba zabo.
UMnumzana Cosmas Muzunde onguLivestock Production Officer ukhuthaze abalimi bonke ukuthi basebenze ndawonye ngoba kuzaletha intuthuko esigabeni sabo.
“Abalimi kumele basebenze ndawonye ukuze bathuthuke ngoba lokho kuzabenza benelise ukuthatha izinqumo eziqondileyo ngokufanele bakwenze ukuze bathuthuke.
“Abalimi kumele badinge umuntu esigabeni sabo ozathenga inkomo zabo kumbe zonke izifuyo ngoba ukuthengiselana njengabomakhelwane kwenza benelise ukuthuthukisana.
“Lokhu kuyaphathisa njalo ukuthi kube lentengo engancindezeli abanye ngoba umuntu abamaziyo uyabe elozwelo njalo engeke wabaqila,” kutsho uMnu Muzunde.
Uqhubekele phambili njalo uMnu Muzunde ngokukhuthaza abalimi ukuthi bafunde ukwenza izinto zabo njengamaqembu esigabeni ngoba lokho kusenza ukuthi benelise ukuncedisana ngoba bayabe bevumelana njengesigaba.
“Nxa abalimi bebambene lemikhuhlane kulula ukuthi bayenqabele ezifuyweni zabo ngoba iyelatshwa ingakadluleli kwezinye indawo,” kutsho uMnu Muzunde.
Uphethe ngokukhuthaza abalimi ukuthi baphathisane njengabomakhelwane kuzozonke inhlelo eziyabe zisenziwa ezizabathuthukisa.
Online Reporter