adminJohas Moyo
ABOGATSHA olubona ngempilakahle yezifuyo iVeterinary Services Departmment koBulawayo sebekhuthaze abalimi bonke jikelele ukuthi bangaphelelwa ngamacebo okuphila kodwa baphatheke kunhlelo ezitshiyeneyo zokufuya kanye lokulima izilimo ezivuthwa masinyane.
UDokotela uNdabezinhle Mkhwanazi walinhlanganiso uthe abalimi kumele babengabantu abazimiseleyo njalo bangaphelelwa ngamacebo okuphila.
“Thina sikhuthaza abalimi ukuthi baqhubeke ngokuzimislela bangaphelelwa ngamacebo okuziphilisa njengoba komile kangaka lonyaka njalo kabahlanganise izifuyo zonke, lokho kuzabancedisa ekutheni benelise ukuphila ngcono”, kutsho uDkt Mkwanazi.
Uqhubekele phambili njalo wathi kuqakathekile ukuthi abalimi basebenzise amathuba onke akhona ukuze babelenzuzo enhle okuzenza lesizwe sithuthuke.
“Kumqoka ukuthi abalimi basebenzise amathuba wonke abalawo kanye lamacebo abawaphiwa ngabalimisi ukuze babelenzuzo enhle okuzaphathisa isizwe ukuthi sibelakho ukuthuthuka,” kutsho uDkt Mkhwananzi.
Uqhubekele phambili njalo wathi imali kayenziwa ngabafundileyo kuphela kodwa abalimi balazo izindlela ezilula zokwenza imali ngesikhathi esincane. Lokho bengakwenza ngokufuya izifuyo zonke okwenza ukuthi umlimi loba sokulendlala enjani engasweli okokudla loba okokuthengisa njengoba izifuyo zingafi okufanayo yiloba sekulemikhuhlane eminengi etshiyeneyo esigabeni.
Online Reporter