Abalimi bathola izifundo ngokulima izilimo ezitshiyeneyo

Ethel Ncube

INHLANGANISO ebona ngezokulima ibuthanise abalimi abavela endaweni ezehlukeneyo koBulawayo ngoMgqibelo odluleyo, ibabela izifundo ngokulima izilimo ezitshiyeneyo kanye lemkambo lapho abangazithengisela khona.

IFarmers Great Indaba iqhutshelwe eAgriculture Society Hall.

Abalimi babelwe ulwazi ngezilimo abangazilima lokuba bangazithengisela ngaphi ukuze bathole inzuzo enhle.

Intatheli ixhumane lomunye wabaqoqi bomhlangano lo uNkosazana Charity Ngwenya oveze ukuba abalimi babelwe ulwazi olumqoka.

“Kumhlangano weFarmers Great Indaba sinxusa abalimi lalabo abafisa ukuphatheka ekulimeni ukuba babuye sixoxisane ngokulima. Okunye ebesikukhangela yikuthi isilimo sakho nxa usulimile ufuna ukusithengisa ungathengisela bani.

“Kubalamathuba njalo okuthola abantu ongabambisana labo kumsebenzi wokulima lo,” kubika uNkszn Ngwenya.
Ubuye waveza ukuba emhlanganweni lo abakhethi ukuba umlimi uvela ngaphi kwendawo.

facebookShare on Facebook
TwitterPost on X
FollowFollow us
PinterestSave

Related Posts

IHerentals ibusa kuzicoco ngoNkwenkwezi
IHerentals ibusa kuzicoco ngoNkwenkwezi

Nkosilathi Sibanda IQEMBU leHerentals College liqhubeke ngokutshengisa ukuthi selingelinye lamaqembu alamandla kuCastle Lager Premier Soccer League ngemva kokuba umqeqetshi walo uCelestino Benza lomdlali uRalph Makanyara Kawondera bethole imiklomelo kaNkwenkwezi. UBenza…

Continue reading
Inkawu yemali icela ukuya emacansini lomniniyo . . . usiphatheleni unikela inkawu ayisebenzisa ‘ukubutha’ imali kwabanye
Inkawu yemali icela ukuya emacansini lomniniyo . . . usiphatheleni unikela inkawu ayisebenzisa ‘ukubutha’ imali kwabanye

Gibson Mhaka KULEZINSUKU ilokitshi leCowdray Park koBulawayo seliphenduke laba yindawo egcwele indaba ezimangalisayo ngemva kokuba omunye usiphatheleni eveze inkawu athe isimhlukumeza ngemva kweminyaka eyisebenzisa ukuthathela abanye imali zabo. Indoda le,…

Continue reading

Leave a Reply

Your email address will not be published. Required fields are marked *

×
×