Online Reporter
Nkosilathi Sibanda
ABALIMI abangaphansi kohlelo lwe-Integrated Climate Smart Programme (ICSP) kuWard 18 eMazhayimbe, esiqintini seMatobo, eMatabeleland North, sebefundiswe indlela zokulungisa lokugcina ukudla ngenhloso yokwehlisa ukonakala kwesivuno lokubavulela amathuba okuziphilisa.
Izifundo lezi, eziqhutshelwe eFumugwe Business Centre, zisekelwe yiFambidzanai Permaculture Centre ZWE, zifundise abalimi ukwenza imisebenzi eyehlukeneyo.
Phakathi kwezifundo lezi, bafundiswe ukwenza ijamu, amanamunede besebezisa izithelo, amakhekhe, ama-sauce lamasepa.
Abaqoqi bezimfundo, kumbiko abawethulele iphephandaba likazulu, babike ukuba inhloso ngeyokuthuthikisa ukutholakala kolwazi kubalimi.
“Uhlelo lolu lusekelwe endleleni zokulima ezivikela imvelo, olwaziwa ngokuthi yi-agroecology, ekhuthaza ukusetshenziswa kuhle kwezinto ezitholakala kumvelo, ukwehlisa ukulahleka kwesivuno lokuqinisa impilo zemuli ngesikhathi sokuguquka komkhathi lobunzima bezomnotho,” kutsho linhlanganiso.
Abalimi babelane ulwazi abalutholileyo labanye emphakathini.
Ngenxa yolwazi abalutholileyo, abalimi bakhangelelwe ukuthi bathuthukise ukudla emakhaya, njalo babe lamathuba okuthola imali.
