Online Reporter
Lovemore Dube
KUBIKWA sekulabantu abathathu asebekhethwe ukuthi bacubungulwe kudingwa lo ozakuba ngumaqhuzu weqembu leHighlanders.
Bobathathu kubikwa bazahlaliswa phansi, bacubungulwe munye ngamunye ngoLwesihlanu ekuseni.
Ukudingisisa okwenziwe yiZimpapers Sports Hub kuveze ukuba umaqhuzu uzaphuma phakathi kukaNkululeko Ndlovu, Sikhumbuzo Ndebele loNqobile Ngulube.
Umsebenzi kamaqhuzu lo uvuleke kulandela ukutshiya kukaBrian Moyo ngodaba lokuhuquluza imali yokuthengiswa kwabadlali ababevela kuBulawayo Chiefs.
UNdlovu lilunga leHighlanders njalo wake waba lipholisa. UNdebele wake wadlalela iqembu, waba ngumaneja weBulawayo City futhi lilunga leZifa Normalisation Committee.
UNgulube waziwa kabanzi ngomsebenzi wakhe kuqula labasekeli bethimu eCowdray Park leHwange njalo wabhala ugwalo ngokuphathwa kwenhlelo zemidlalo.
