Vusumuzi Dube
Fungai Muderere
NGESIKHATHI ilizwe linanza iminyaka engu-46 yenkululeko mhlaka 18 Mabasa, umdlalo weFive-A-Side uzabe uphethe umncintiswano we-Futsal Independence Cup.
Lonyaka kuzakuba ngokwakuqala kuncintisa abesifazane.
Umncintiswano walonyaka uzakwenzelwa eBulawayo Football For Hope Centre eGwabalanda, lapho okungasoze kube yindaba yokuncintisa kuphela kodwa, kuzabe kuyisibonakaliso sentuthuko, ukubambisana lokukhulisa umdlalo.
Abesifazane bazathola ithuba lokuncintisana kulumqhudelwano osulesikhathi eside ubuswa ngabesilisa kuphela.
Kuhlangothini lwabesilisa, kulamaqembu ayisifica minwe mibili azancintisana, okugoqela abavikela isicoco iGo Boyz, iTNS, Nedbank FC, Southwonder, Mictech Stars, Amabhubesi, NUST kunye leFox. Imidlalo izaqala ekuseni ngo-9am, iphethe nge-final ngo-5:20pm.
Kodwa amehlo amanengi azabe ebheke kwabesifazane, lapho iNUST FC izaqala khona ngokudibana leSouthwonder FC kumdlalo wokuqala womlando. Kulandele iFilabusi Queens edlala leStreet Set FC, kuthi iGD5-FC leMictech Stars labo bafune indawo kuma-semi-final.
Online Reporter