Nkosilathi Sibanda
UMQEQETSHI weHardrock FC, uKelvin Kaindu uqhubeke ngokuthola inhlonipho yokuba ngumqeqetshi owenze kuhle ngenyanga kaMfumfu, kuCastle Lager Premier Soccer League.
UKaindu uqhubeka etshengisa ubungcitshi bakhe ekuqeqetsheni, ethatha umklomelo lo okwenyanga yesithathu zilandelana.
Kube lentokozo ephindwe kabili kuHardrock FC, njengoba umgadli weqembu leli, uWashington Navaya laye ephiwe isicoco sokuba ngumdlali ohambe phambili ngenyanga efanayo.
Kube yinyanga enhle kuHardrock, eqhubeka esemjahweni wokulwela isicoco seCastle Lager Premier Soccer League ka-2026.
UKaindu usebe ngumqeqetshi oqhubeka ethola izicoco ngenxa yomsebenzi wakhe eqenjini leKasongo Boys, ngesikhathi uNavaya laye eqhubeka etshengisa ukuba ngumgadli ohamba phambili kuHardrock, ekhangelele ukuthi athole njalo isicoco seGolden Boot.
