YiNtatheli kaMthunywa
ZISELE zithwele imikhono ekhanda izakhamizi zeChitungwiza ku-Unit K Set featured imageeHarare ngemva kokuba indoda eleminyaka engu-44 igongode unina ngesando yambulala.
Amapholisa aseqinisekise ukuthi adinga uBob Nobert Luwaca oleminyaka engu-44 yokuzalwa osolwa ngecala lokubulala unina, uRosemary Luwaca oleminyaka engu-72 yokuzalwa.
Kuzwakale ukuthi uBob wahlasela unina ngesando esibizwa ngokuthi yi-six pound hammer ngoLwesine.
Isikhulumi samapholisa elizweni uCommissioner Paul Nyathi uthe isikhali okucatshangelwa ukuba yiso esasetshenziswa ekubulaleni sitholakale lapho okwenzakale khona isehlakalo lesi.
“Umetheswacala uhle wabaleka ngemva kokudala icala leli,” kutsho uComm Nyathi.
Kubikwa umetheswacala wagongoda unina kabili ekhanda ngesando okwabangela ukuthi afe ngemva kokuxabana.
Isidumbu size sabonwa ngomakhelwane abasele bemadolonzima ngenxa yenkemenkeme le.
UComm Nyathi ucele uzulu ongabe elolwazi ngokuthi uBob ungaphi ukuba babikele amapholisa aseduzane labo.
