Online Reporter
LIYAQHUBEKA ngokuba mnyama ikusasa lomdlalo kamabonakude Uzalo, okhonjiswa phakathi kweviki kuSABC 1. Lokhu kulandela ukuthi abalingisi labasebenza ngemva kulumdlalo, bethole izincwadi ezibazisa ngokumisa kokuqotshwa kwalu mdlalo.
Umthombo othenjiweyo uveze ukuthi basele bedidekile ngempelaviki, bethunyelwa incwadi zibazisa ukuthi bangayi ukuyoshuta. Lo mthombo uthe okubadide kakhulu ngalincwadi yikuthi lezi zindaba zifike besanda kuhola, futhi bahole bonke.
Bathi bebelindele ukuthi baqhubeke ngokushuta njengoba beleziqephu eziphambili abaziqophileyo, kodwa ezingakaveli kumabonakude.
“Imvama yikuthi sishuta iziqephu eziphambili ngesikhathi esingangenyanga ukuze kungabi khona ukuphazamiseka emoyeni,” kutsho lu mthombo.
Inkinga yokuma kungashutwa kulu mdlalo, ayiqali ukwenzeka njengoba izisebenzi zenkampani eshuta lumdlalo, iStained Glass TV, zike zabeka phansi amathuluzi, zikhala ngokungaholi.
Phambilini linkampani ibikhomba ngenjumbane i-SABC njengembangela yokungakwazi ukuholela abalingisi balumdlalo.
Kuyaqala ukuthi kube yiyo etshela izisebenzi zayo ukuthi zingayi emsebenzini, kuze kube ziyaziswa ukuthi zibuyela nini.
Intatheli iyibonile incwadi okuvela ukuthi ibhalwe yizikhulu zali nkampani, uGugu Zuma Ncube, uPepsi Pokane loTheo (esigcine singatholakalanga isibongo sakhe). Lincwadi ithi isizatho sokumiswa kwezisebenzi yingenxa yezinkinga zemali.
“Sicela lazi ukuthi siyaxhumana leSABC ngenhloso yokuthi sifinyelele esixazululweni masinyane. Siyakuqonda ukuthi lokhu kulawuphi umthelela kini, kodwa sizimisele futhi sizalazisa ngokuhamba kwesikhathi okuqhubekayo,” kutsho incwadi.
Yiloba Uzalo lusahamba phambili ngababukeli kuSABC, kodwa kubukeka lwehlelwa yisasasa njengoba lesibalo salo sesehle ngendlela emangalisayo uma kuqhathaniswa leminyaka edluleyo.
Kuzokhumbuleka ukuthi imithombo eyehlukeneyo ike yakuveza ukuthi izikhulu zeSABC zike zavakatshela lapho kushutwa khona lu mdlalo, ngenhloso yokunxenxa ukuba abalumdlalo bakhweze amasokisi.
Akukapheli lesikhathi esingakanani le nkampani yethule umdlalo omutsha kumabonakude okhonjiswa khona kuSABC 1, obizwa ngokuthi Amalanga Awafani, odlala phakathi nezinsuku seligamenxe ihora lesi sithupha.
Ethintwa okhulumela uZalo, uNomfundo Zondi, ucele intatheli ithumele imibuzo, wathi uzophendula lingakapheli usuku lwayizolo ngoLwesithathu.
Kuze kwashaya isikhathi sokushicilela engayiphendulile imibuzo, nakuba ekuqinisekisile ukuthi unalo ulwazi ngalolu daba. — Ilanga
