Online Reporter
Fungai Muderere
KUYAVELA ukuthi umqeqetshi weHighlanders uPieter De Jongh ulolaka njalo kabazwisisi onompembe abasebenza kuligi ephakemeyo eyeCastle Lager Premiership.
Sekube lezehlakalo ezinengi lapho umqeqetshi lo axabane khona labonompembe, ekhonona ngokuthi kabawazi umsebenzi. Lapho akade ekhuluma khona lentatheli, uDe Jongh ubephethe ngenkulumo yabonompembe, esithi balenkinga.
Ukwenzile njalo ngempelaviki edluleyo kumdlalo we-semi-final yenkezo yeChibuku Super leDynamos enkundleni yeRufaro, lapho iqembu lakhe elinqotshwe 5-3 kumbekwa.
UDe Jongh, osewanikwa ibizo elithi “Hlabangana” ngabasekeli beHighlanders, uphinde wagcona inhlanganiso yePremier Soccer League, esola ukuthi kungani amaqembu asemsileni kulogu engadlaliswa ilanga elilodwa.
Umqeqetshi lo ulombono wokuthi amaqembu adlale ngesikhathi sinye ukuze kucace ukuthi yiwaphi azadliwa lizembe.
IBosso layo ikusimo esibi kulogu, ndawonye lamaqembu agoqela iDynamos, Yadah Stars, Bikita Minerals, Manica Diamonds, Greenfuel, Triangle, Chicken Inn leCaps United. Zonke azikafikisi imiklomelo engu-40.
Inkulumo zikaDe Jongh sezicunule abaphathi bePSL.
“Sinanzelele insolo ezibekwe ngumqeqetshi weqembu leHighlanders mayelana lokuphathwa lokuhlolwa kwemidlalo yeligi,” kutsho uRodwell Thabe, osabambe isikhundla sikamaqhuzu wePSL.
“Okwamanje sisabambekile ngalolu daba njalo sisabukela kakuhle ividiyo yomhlangano lentatheli. Nxa umqeqetshi ekukhulumeni kwakhe kutholakala ukuthi wephule imthetho yePSL uzagwetshwa ngendlela efaneleyo.”
UThabe uchaze ukuthi ngeke benelise ukudlalisa amathimu ngasikhathi sinye ngoba kusilela inkundla elizweni.
Kumidlalo emithathu eseleyo, iBosso izadlala leSimba Bhora, Manica Diamonds leChicken Inn.
Imidlalo ekhona kulimpelaviki:
NgoMgqibelo: TelOne v Greenfuel (Ascot Stadium), MWOS v Traingle United (Ngoni Stadium), Chicken Inn v CAPS United (Luveve Stadium), Manica Diamonds v Ngezi Platinum Stars (Sakubva Stadium), Simba Bhora v Highlanders (Wadzanayi Stadium), Herentals College v Yadah Stars (Rufaro Stadium), ZPC Kariba v FC Platinum (Nyamhunga Stadium)
NgeSonto:Kwekwe United v Scottland (Ascot Stadium), Dynamos v Bikita Minerals.
“Ngumdlalo ozaletha imizwa ethile kodwa kumele sinqobe. Sesihlale isikhathi eside singanqobi ngakho kuzafiwa ngempelaviki. Kumele silungisise okusehlulayo,” nguLuphahla lo.
Ubike ukuba balokholo lokuthi bengaqeda bengebanqobi besicoco seligi.
“Sesidlalela imiklomelo eyisitshiya galolunye njalo sikhona emncintiswaneni wesicoco esikhulu. Sizathola icebo lokunqoba yonke imidlalo.”
Ngesikhathi iSimba Bhora ilungiselela ukuthi ibe yintshantshu, iBosso ngakolunye uhlangothi ifuna ukuthi idlalele ukuqeda ikunombolo engcono. IBosso ibalelwa kulezo ezingaqunywa lizembe, loba ikunombolo yetshumi. Ilemiklomelo engu-36.
