UMTHUNYWA

AmaWarriors aphakama kungalane yamazwe kuFIFA

Nkosilathi Sibanda

AMA-WARRIORS aseqanse kathathu kulogu yokudlala kwamazwe wonke kumdlalo wenguqu kuluhlu lweFIFA kulandela ukunqoba kwawo i-Equatorial Guinea nge 3-0 kumdlalo wokudinga indawo yokuyadlala ku-Africa Cup of Nations (AFCON) yomnyaka ka-2027 ngoMvulo.

Ngokwamalungiselelo ezinga lamaqembu omhlaba abekwe ebulenjini beFIFA kuliviki, amaWarriors asuke kunombolo yesi-129 aya ku-126.

Ukunqoba i-Equitorial Guinea okwenzakale enkundleni yeNational Sports Stadium kuphinde kwengeza imiklomelo yeqembu ngesilinganiso se-14,14 yafika ku-1 143,92.

Lokhu kutsho ukuthi impumela yamaWarriors isiqalisile ukuba lomthelela omuhle ngemva kwalumdlalo, ngesikhathi inhlanganiso yeZimbabwe Football Association izama ukuthi iphakamise izigaba zonke zomdlalo.

Lanxa kunjalo, ukuphakama kwamaWarriors kuhlelwe okwesikhatshana, iFIFA ibike ukuba izakhupha olunye uluhlu olutsha ngokusemthethweni mhlaka 18 Lwezi 2026.

Ekhuluma lephephandaba likazulu ngokukhuphuka kwamaWarriors, unobhala wenhlanganiso yeZimbabwe National Soccer Supporters Association (ZNSSA) uCris Romario uthe iqembu kumele lisebenzise ukunqoba kwalo i-Equatorial Guinea njengesisekelo sokwakha impumelelo enkulu.

“Abadlali kumele bahlale bezimisele njalo balwele ukuthola impumela enhle emidlalweni elandelayo,” kutsho uRomario eseHarare.

Omunye umlandeli wenguqu obukele ibhola esenkundleni yeNational Sports uThabo Khumalo uthumele umbiko wokuthi impumela le itshengisa ukuthi iqembu seliqalisa ukubuyela esimeni esihle.

“Amhlophe kubafana bakithi. Kudala sacina ukuthaba ngalindlela. Lokhu kunika abadlali lathi abalandeli ithemba lokuthi iZimbabwe ingaphinda ibe lamandla emdlalweni wenguqu emazweni omhlaba. Siyaqoqoda kuWorld Cup.

USilibaziso Ncube, obukele umdlalo ekoBulawayo uthe ukukhuphuka kweqembu kuluhlu lweFIFA kuhle ngoba kuzenza ukuthi abadlali baqhubeke bezimisela ukuze impumela enhle ingabi yinto eyenzakala kanye kuphela.

“Ukunqoba imidlalo eminengi lokuncintisana kuhle emidlalweni ye-AFCON kungancedisa amaWarriors ukuthi aqhubeke ekhuphuka ezigabeni zomhlaba.

Lanxa kunjalo, ukukhuphuka kwamaWarriors kuhlelwe okwesikhatshana njengoba iFIFA isazakhupha olunye uluhlu olutsha olusemthethweni mhlaka 18 Lwezi 2026.