Online Reporter
Izibonelo: Ngaphansi kobunye lobunengi: thandwa isithandwa kubunye; –izithandwa ebunengini; botshwa –isibotshwa, izibotshwa. Nxa sisakha amabizomuntu ezenzweni eziyimpambosi, siqala ngesiqalo sebizo esivumayo.
Isibonelo: thanda> isithandwa, thandwa > izithandwa.
Nanzelela ukuthi akhona amabizomuntu akhiwa ezenzweni kodwa engacini ngonkamisa u-i.
Isibonelo: Isiqu sesenzo, amabizomuntu ngaphansi kobunye laku –ubunengi. Phoxa –isiphoxo –iziphoxo. Kulelibala u isi- yisiqalo sebizo esivumayo, sicina ngonkamisa u-o-.
Siqale ngo isi-ubunye, izi-ubunengi besesisusa unkamisa wokucina u-a wesenzo sajobelela u-o. phoxa > isiphoxo –isi +phox(a) endaweni yakhe sijobelela unkamisa u-o-.
Sesiphethe amabizomuntu sesingena kumabizonto. Funda umutsho olandelayo: Isicelo lesi sivela ebazalini. Kulo umutsho, khetha ibizo/amabizo. Nxa ukhethe kuhle, ibizo olitholileyo emutshweni lo ngelithi isicelo.
Ibizo leli likhomba ulutho njalo lakhelwe esenzweni. Amabizonto ngamabizo ezinto, amanye akhelwa esenzweni ikanti-ke amanye akhelwa kwezinye izincezu zenkulumo.
Ukwakhiwa kwamabizonto — Zinengi indlela zokuwakha. Nanzi ezijayelekileyo: Angakhiwa ezenzweni ngokususa unkamisa wokucina wesenzo, esikhundleni sakhe sijobelela u-o, sibe sesiqalisa ngesiqalo sebizo esifaneleyo: hamba >uhambo, hleka >uhleko, bopha > isibopho, thenga> intengo, u+hamb(a) + o >uhambo, isi +boph(a) + o >isibopho. Sizaqala lapha kuviki ezayo.
